Инклюзивті білім беру бойынша аудандық семинар-практикум "Новоишим қазақ жалпы білім беретін мектебінің" базасында өтті
2025 жылғы 8 қазанда Новоишим қазақ орта мектебінің базасында «Ерекше білім беру қажеттіліктері бар (ЕБҚ) балаларды оқытуды ұйымдастыру» тақырыбында аудандық семинар-практикум өтті.
Іс-шараға ауданның түрлі білім беру ұйымдарынан келген 100-ге жуық маман – педагогтер, мектеп директорларының орынбасарлары, балабақша әдіскерлері, психологтар, әлеуметтік педагогтер, педагог-ассистенттер қатысты.
Семинарды аудандық әдістемелік кабинет меңгерушісі Жаманбаева Раушан Қайратқызы ұйымдастырып, жүргізді. Ол қатысушыларға әдістемелік ұсынымдар бойынша түсіндірме жұмыстарын жүргізіп, инклюзивті білім берудің заманауи парадигмасы мен осы саладағы нормативтік-құқықтық құжаттарды таныстырды.
Семинар барысында қатысушылар тәжірибе алмасып, инклюзивті оқыту сапасын арттыру жолдарын талқылады, пәндер бойынша жеке білім беру бағдарламаларын құрастырды.
Семинарда мазмұнды және өзекті тақырыптармен келесі мамандар сөз сөйледі:
Билялова Алена Михайловна, «Ақбота» балабақшасының әдіскері – «Мектепке дейінгі ұйымдардағы ЕБҚ бар балаларға психологиялық-педагогикалық қолдау көрсету»;
Байсалбаева Әсемгүл Талғатқызы, Пескин орта мектебінің бастауыш сынып мұғалімі – «Ерекше білім беру бағдарламалары бойынша оқушылармен жұмыс жасау және құжат жүргізу тәртібі»;
Кудобаева Еркеш Қайыржанқызы, зерттеуші-педагог, КММ «Психологиялық-педагогикалық түзету кабинеті» логопед мұғалімі – «Сөйлеу тілі жалпы дамымаған 1-деңгейдегі балалардың тілдік дағдыларын дамыту жолдары»;
Швецова Виталина Васильевна, Новоишим №2 орта мектебінің бастауыш сынып мұғалімі – «ЕБҚ бар балаларды оқытуда белсенді оқыту әдістерін қолдану»;
Мұхамбетова Айсұлу Қайырбекқызы, Раисов орта мектебінің оқу ісі жөніндегі орынбасары – «ЕБҚ бар білім алушыларға арналған білім беру процесін құжаттамалық қамтамасыз ету: мектеп әкімшілігінің міндеттері мен жауапкершілігі»;
Лысенко Людмила Витальевна, Ставрополь орта мектебінің тәрбие ісі жөніндегі орынбасары – «Білім беру ұйымында толерантты және инклюзивті мәдениетті қалыптастыру».
Семинар соңында қатысушылар Online Test Pad платформасы арқылы кері байланыс берді. Пікірлерге сүйенсек, семинар өте пайдалы, мазмұнды және тәжірибеге бағытталған болды. Көптеген педагогтер құнды ұсыныстар мен нақты жұмыс құралдарын алғандарын атап өтті.
«Материал түсінікті және қызықты түрде ұсынылды. Ұйымдастырушыларға пайдалы тәжірибе мен кәсіби қарым-қатынас үшін алғыс айтамын!» – деген пікірлер басым болды.
Семинар аудан мамандары үшін инклюзивті білім берудің өзекті мәселелерін талқылауға, тәжірибе алмасуға және кәсіби дамуға арналған маңызды алаңға айналды.
