«Сыңғырла, соңғы қоңырау!»
25 мамыр күні Новоишим қазақ орта мектебінде «Сыңғырла, соңғы қоңырау!» атты салтанатты жиыны өтті.
Жиынға Ғ. Мүсірепов атындағы ауданның Құрмет азаматы- Тастемиров А. А.А, аудан әкімінің ауыл шаруашылығы және экономика мәселелері жөніндегі орынбасары – Баумағанбетов С. Т., аудандық білім бөлімінің әдіскері Кусаинова Г.М. қатысты. Мектеп директоры Сүйесінова С.Т. түлектерді, ұстаздар қауымын және жиналған оқушылар мен ата-аналарды соңғы қоңырау мерекесімен құттықтап, «Балалар жылы» аясында мектептің атын облыс, республикалық көлемінде танытқан оқушыларға мадақтамаларды табыс етті.
Мектеп бітіруші түлектерге балғын жас бүлдіршіндер 1 - сынып оқушылары сәт сапар тілеп, тақпақтарын оқыды.
Мектеп аманатын тапсыру рәсімі 11- сынып оқушылары Рахимова Самал мен Шонанаева Махаббатқа, аманат қабылдап алу құрметі 10-сынып оқушылары Бөкенбаев Нұртуған мен Шарбекова Мадинаға берілді.
Білім кілтін 11 сынып түлектері Серікбай Данагүл мен Ермекова Тамирис 1 сынып оқушылары Сайлау Ернар мен Аяған Нұрсаяға табыс етті.
Соңғы қоңырау соғу құқығы бітіруші түлек Исаев Алиасқар және 1-сынып оқушысы Серікпай Ақботаға берілді.
Мерекенің 2-ші бөлімі мектеп бітіруші түлектердің ұстаздарына арналып шығарылған арнау өлең, ән – жырларымен, бимен акт залында жалғасты.
Осылайша сыңғырлаған қоңырау үнімен қоштасқан мектеп бітіруші түлектер ұстаздар қауымымен қимай қоштасты. Мерекелік жиын өте жоғары дәрежеде өтті.
