Новости

ББЖМ бойынша оқушылармен өткізілген түсіндіру жұмыстары туралы ақпарат

Білім алушылардың білім жетістіктерінің мониторингі (ББЖМ) бойынша мектепте 4 және 9-сынып оқушыларымен түсіндіру жұмыстары жүргізілді. Түсіндіру барысында оқушыларға ББЖМ-ның мақсаты, өткізілу тәртібі және тест құрылымы туралы толық ақпарат берілді.ББЖМ 4-9-сыныптарда электрондық форматта оқыту тілінде үш бағыт бойынша, атап айтқанда оқу сауаттылығы, математикалық сауаттылық және жаратылыстану-ғылыми сауаттылық бойынша тестілеу нысанында жүргізіледі.

Атап айтқанда, ББЖМ-ның негізгі мақсаты – оқушылардың функционалдық сауаттылық деңгейін анықтау, білім сапасын бағалау және оқу бағдарламасының меңгерілу деңгейін тексеру екені түсіндірілді.

Сонымен қатар, денсаулық жағдайына байланысты үйде білім алатын немесе ұзақ уақыт емдеуді қажет ететін балаларға арналған санаторийлік үлгідегі сауықтыру мекемелерінде оқитын білім алушылар, сондай-ақ тестілеу кезінде объективті себептермен (денсаулық жағдайы, жақын туыстарының қайтыс болуы, жарыстар мен олимпиадаларға қатысуы) қатыспаған тұлғалар қамтылмайды.

4-сынып оқушыларына:

Тесттің құрылымы мен мазмұны таныстырылды. Атап айтқанда:

оқу сауаттылығы – 10 тапсырма;

математикалық сауаттылық – 20 тапсырма;

жаратылыстану-ғылыми сауаттылық – 20 тапсырма.

Жалпы тест уақыты – 154 минут (2 сағат 34 минут), әр 25 минут сайын 10 минуттық үзіліс берілетіні айтылды. Максималды балл – 50.

9-сынып оқушыларына:

ББЖМ тестілеу бағыттары бойынша түсіндірілді:

оқу сауаттылығы – 15 тапсырма;

математикалық сауаттылық – 20 тапсырма;

жаратылыстану-ғылыми сауаттылық – 30 тапсырма (физика – 8, химия – 8, биология – 7, география – 7).

Жалпы тапсырмалар саны – 65. Тесті орындау уақыты – 189 минут (3 сағат 9 минут), әр 35 минут сайын 10 минуттық үзіліс қарастырылған.

Түсіндіру жұмыстары барысында оқушыларға тест тапсырмаларының форматы (бір дұрыс жауапты таңдау), уақытты тиімді пайдалану жолдары және психологиялық дайындық бойынша кеңестер берілді.

Қорытындысында, оқушыларға ББЖМ-ның қорқынышты емес, өз білімдерін көрсетуге мүмкіндік беретін маңызды бағалау екені түсіндірілді. Оқушылар тарапынан қойылған сұрақтарға жауап беріліп, қажетті нұсқаулықтар ұсынылды.